Op maandagmiddag 24 februari is het prinsenpaar van Brede School Moesel uitgeroepen. Prins Olav I en prinses Tess I gaan deze week voorop, samen met hun adjudanten Cato en Nowi. De uitroeping werd verzorgd door niemand minder dan de jeugdige prinsen van V.V. de Vêrkusköp én V.V. de Rogstaekers: Preens Guus I en Preens Lex I. De hoogheden van Brede School Moesel stellen zich graag even voor:
Jeugdpreens Olav I
“Miene naam es Olav, mer vanaaf noow bin ich Schoeëlpreens Olav I! De komendje vastelaovendjtiêd bin ich same met preenses Tess de hieërser van Brej Schoeël Moesel. Ich bin 7 jaor. Woeën same met mien aojers Gerard en Mieke, zösterke Lexi en kniên Philip op Moesel. Ich haoj van strips teîkene, lego bawwe en game. Ich zit hertstikke vol met energie dus fieëst vere es mich op ’t liêf geschrieëve!”
Jeugdpreenses Tess I
“Miene naam es Tess Gubbels, mer vanaaf vandaag wis aan Asgoonsdig bin ich Schoeëlpreenses Tess I. Ich bin 7 jaor joonk, dochter van Dennis en Ellen en zösterke van Sem. Vae woeëne oppe Maaseikerweeg naeve Jeugdpreens Guus I vanne Vêrkusköp. De komendje tiêd moge Olav, mien Schoeëlpreens, en ich mette scepter zwejje op Brej-Schoeël Moesel. As ich neet op schoeël hoof te zeen dan bin ich tieëge ‘ne bal aan ’t hawwe beej VC Wieërt en dâns ich de stèrre vanne hieëmel beej Dance Crew Zuid. Ouch spraek ich dek aaf met mien allerbeste vriendinneke Nowi, en det es ouch mien adjudânte, same knutsele, kletse en snuike doon vae ’t leefst! De vastelaovendj es mich mette paplepel ingegaeve dus vae gaon d’r ‘ne sjieke wichterschoeëlevastelaovendj van make.”
Adjudânte Cato
Cato es de aodste dochter van Staf en Marieke en gruuëtse zus van Juultje. Geboeëre en getoeëge op Moesel. In ziene vreeje tiêd dânsj Cato gaer en esj ouch dek in ’t zwömbad te veenge beej ZPC de Rog. Ze knutseltj gaer en vingtj ’t leuk um met vriendjes en vriendinnekes aaf te spraeke. Ouch wandeltj ze dek met höndje Bella en fieëtsj gaer doeër de wiêk.
Adjudânte Nowi
“Miene naam es Nowi Niëns en ich moog michzelf dit jaor met trots da Adjudânte van Tess 1 van Brej Schoeël Moesel neume. Ich bin 7 jaor jónk, ’n dochter van Peter en Tessie en ’t zösterke van Lenn. Same woeëne vae op Wieërt-Zuid. ’t Leukste um te doon ving ich dânse beej Dance Crew Zuid en op miene kop staon inne turnhal. Wieter bring ich ’t leefst tiêd doeër met Jeugdpreenses Tess I en daorum es ’t ouch zoeë sjiek um dit jaor same op dieës meneer de vastelaovendj te moge vere.”
Orde
“Vae veenge same dejje vastelaovendj allein mer same kintj vere. Daorum hebbe vae d’r vör gekoeëze um de Orde van: “Vastelaovendj veerdje same” in te stelle en vae kieke d’r allemaol nao uut um alle wichter van oeës schoeël in oeës orde te moge ongerschei-jje.
Uuteraard hebbe vae ouch ’n devies: “Mette vastelaovendj inne kop, staon vae dit jaor vuuërop!!” Det spraektj vör zich toch?”
Schoeëleoptocht op 28 Fibberwari
“Vae weense jullie allemaol ’n te gekke Vastelaovendj en wille uch uutnuuëdige vör nao oeëze fantastische schoeële optocht te kome kieke! Alle wichterkes van Brej Schoeël Moesel hebbe eur best gedaon um ’n schoeën creatie nieër te zette. ’t Zoej sjiek zeen as vae völ towschouwers hebbe! Vriedig 28 fibberwari um 12.30 oor. Zeen vae uch dan?”
